आरती संग्रह
श्री गणपतीची आरती
सुखकर्ता दुःखहर्ता वार्ता विघ्नाची ।
नुरवी पुरवी प्रेम कृपा जयाची ।
सर्वांगी सुंदर उटी शेंदुराची ।
कंठी झळके माळ मुक्ताफळांची ।। १ ।।
जय देव जय देव जय मंगलमूर्ति ।
दर्शनमात्रे मनःकामना पुरती ।। धृ० ।।
रत्नखचित फरा तुज गौरीकुमरा ।
चंदनाची उटी कुंकुमकेशरा ।
हिरेजडित मुकुट शोभतो बरा ।
रुणझुणती नूपुरे चरणीं घागरिया ।। २ ।।
लंबोदर पीतांबर फणिवरबंधना ।
सरळ सोंड वक्रतुंड त्रिनयना ।
दास रामाचा वाट पाहे सदना ।
संकटी पावावे, निर्वाणी रक्षावे सुरवरवंदना ।। ३ ।।
श्री शंकराची आरती
लवथवती विक्राळा ब्रह्मांडी माळा ।
विषें कंठ काळा त्रिनेत्री ज्वाला ।
लावण्यसुंदर मस्तकी बाळा ।
तेथुनिया जळ निर्मल वाहे झुळझुळां ।।
जय देव जय देव जय श्रीशंकरा
आरती ओवाळू तुज कर्पुरगौरा ।।१।।
कर्पुरगौरा भोळा नयनी विशाळा ।
अर्धांगी पार्वती सुमनांच्या माळा ।
विभूतीचे उधळण शीत कंठ निळां
ऐसा शंकर शोभे उमावेल्हाळा ।।
जय देव जय देव जय श्रीशंकरा ।।२।।
देवीं दैत्यीं सागरमंथन पैं केलें ।
त्यामाजी अवचित हलाहल जें उठिलें ।
ते त्वां असुरपणे प्रशान केलें ।
नीलकंठ नाम प्रसिद्ध झालें ||
जय देव जय देव जय श्रीशंकरा ।।३।।
व्याघ्रांबर फणिवरधर सुंदर मदनारी ।
पंचानन मनमोहन मुनिजन सुखकारी ।
शतकोटीचे बीज वाचे उच्चारी ।
रघुकुळटिळक रामदास अंतरीं ।।
जय देव जय देव जय श्रीशंकरा ।।४।।
श्री दुर्गादेवीची आरती
दुर्गे दुर्घट भारी तुजविण संसारी ।
अनाथनाथे अंबे करुणा विस्तारी ।
वारी वारी जन्ममरणाते वारी ।
हारी पडलो आता संकट निवारी ।। १ ।।
जय देवी जय देवी महिषासुरमथनी ।
सुरवरईश्वर-वरदे तारक संजीवनी ।।
जय देवी जय देवी ।। धृ० ।।
त्रिभुवन भुवनी पहाता तुज ऐसी नाही ।
चारी श्रमले परंतु न बोलवे काही ।
साही विवाद करिता पडले प्रवाही ।
ते तू भक्तालागी पावसी लवलाही ।। २ ।।
प्रसन्नवदने प्रसन्न होसी निजदासां ।
क्लेशांपासुनी सोडवी तोडी भवपाशा ।
अंबे तुजवाचून कोण पुरवील आशा ।
नरहरि तल्लीन झाला पदपंकजलेशा ।। ३ ।।
श्री दत्ताची आरती
त्रिगुणात्मक त्रिमूर्ती दत्ता हा जाणा |
त्रिगुणी अवतार त्रैलोक्यराणा |
नेती नेती शब्द नये अनुमाना |
सुरवर मुनिजन योगी समाधी न ये ध्याना ||१||
जय देव जय देव जय श्रीगुरुदत्ता |
आरती ओवाळीतां हरिली भवचिंता ||धृ||
सबाह्य अभ्यंतरी तूं एक दत्त |
अभ्याग्याशी कैंची कळेल हि मात |
पराही परतली तेथें कैचा हेत |
जन्ममरणाचा पुरलासे अंत ||२||
दत्त येउनिया उभा ठाकला |
सद्भावें साष्टांगे प्रणिपात केला |
प्रसन्ना होऊनी आशीर्वाद दिधला |
जन्ममरणाचा फेरा चुकविला ||३||
दत्त दत्त ऐसें लागले ध्यान |
हरपलें मन झालें उन्मन |
मीतुं पणाची झाली बोळवण |
एका जनार्दनी श्रीदत्तध्यान ||४||
श्री विठोबाची आरती
युगें अठ्ठावीस विटेवरी उभा |
वामांगी रखुमाई दिसे दिव्या शोभा |
पुंडलिकाच्या भेटी परब्रह्मा आले गा |
चरणी वाहे भीमा उद्धरी जागा ||१||
जय देव जय देव पांडुरंग
रखुमाई वल्लभा राहीच्या वल्लभा पावें जिवलगा ||धृ||
तुळसीमाळा गळां कर ठेवुनी कटी |
कसे पितांबर कस्तुरी लल्लाटी |
देव सुरवर नित्य येती भेटी |
गरुड हनुमंत पुढें उभे राहती ||
जय देव जय देव पांडुरंग ||२ ||
धन्य वेणुनाद अनुक्षेत्रपाळा |
सुवर्णाची कमळे वनमाळा गळां |
राई रखुमाबाई राणीया सकळा |
ओवाळिती राजा विठोबा सावळा |
जय देव जय देव पांडुरंग ||३||
ओवाळूं आरत्या कुर्वंड्या येती |
चंद्रभागेमाजी सोडुनिया देती |
दिंड्या पताका वैष्णव नाचती |
पंढरीचा महिमा वर्णावा किती ||
जय देव जय देव पांडुरंग ||४||
आषाढी कार्तिकी भक्तजन येती |
चंद्रभागेमध्ये स्नाने जे करिती |
दर्शनहेळामात्रे तयां होय मुक्ती |
केशवासी नामदेव भावें ओवाळिती |
जय देव जय देव पांडुरंग ||५||
आजकाल छापील स्वरूपात, पुस्तकाच्या स्वरूपात तसेच मोबाईल अॅपमध्येही आरती संग्रह सहज उपलब्ध आहे. गावागावातील मंदिरांमध्ये भक्तांसाठी आरती संग्रह ठेवलेला दिसतो. लग्नसमारंभ, धार्मिक कार्यक्रम, हरिपाठ, भजन कीर्तन यामध्ये देखील आरती संग्रह वापरला जातो. सकाळच्या आणि सायंकाळच्या वेळच्या पूजेत आरती संग्रह फार उपयोगी पडतो. मुलांना लहानपणापासून संस्कार द्यायचे असतील, तर त्यांना आरती संग्रह वाचून दाखवावा. वेगवेगळ्या देवतांच्या आरत्या एका ठिकाणी मिळाव्यात म्हणून लोक आरती संग्रह शोधतात. जुन्या काळी घरात हाताने लिहिलेला आरती संग्रह ठेवायची पद्धत होती. आता मात्र सुंदर अक्षरात छापलेला आरती संग्रह प्रत्येक घरी असतो. काही लोक खास करून प्रवासात सोबत न्यायला छोटा खिसे-पुस्तक स्वरूपाचा आरती संग्रह वापरतात. इंटरनेटवर पीडीएफ स्वरूपातही आरती संग्रह उपलब्ध आहे.
इयत्ता 8 वी गणित पाठ्यपुस्तक: इथे क्लिक करा